Г.Занданшатар гишүүн Ц.Анандбазарын холбогдсон хүчирхийллийн хэргийг авч хэлэлцэх үүргийг Б.Бат-Эрдэнэд өглөө

УИХ -ын дарга Г.Занданшатар охид бүсгүйчүүдэд олон жилийн туршид хүчирхийлийн дарамт үзүүлж байсан гэдээд байгаа Булган аймгаас сонгогдсон УИХ-ын гишүүн, “Сод Монгол” компанийн эзэн Ц.Анандбазарын асуудлыг ЁС ЗҮЙ, САХИЛГА ХАРИУЦЛАГЫН БАЙНГЫН ХОРОО-гоороо авч хэлэлцэхийг тус хорооны дарга Б.Бат-Эрдэнэд үүрэг болголоо.

УИХ-ын дарга Г.Занданшатар уг асуудлыг хууль хяналтын байгууллагаар шалгуулан, олон нийтэд мэдээлэх нь зүйтэй гэж үзэж байгаагаа УИХ-ын цахим хуудсаар дамжуулж мэдэгджээ. 

Охид бүсгүйчүүдийг бэлгийн аливаа хүчирхийллээс хамгаалах зорилготойгоор иргэдийн байгуулсан “Metoo mongolia” хөдөлгөөнийг санаачлагч иргэн М.Нарантуяа “УИХ-ын дарга Г.Занданшатар Танд баярлалаа. Монголын охид эмэгтэйчүүдийн төлөө хүчирхийллийн эсрэг зарчимчаар хандсанд нийт иргэдийн өмнөөс талархаж байна” хэмээн талархлаа илэрхийллээ.

Y.Баярмаа